Памежны камітэт расказаў, каго будуць прапускаць на тэрыторыю Беларусі

Памежнікі будуць прымаць пастановы «ў залежнасці ад сітуацыі».

Беларусаў прапускаюць на тэрыторыю нашай краiны, паведаміў tut.by раніцай 30 кастрычніка афіцыйны прадстаўнік Дзяржаўнага памежнага камітэта Беларусі Антон Бычкоўскі.

- Грамадзян Беларусі на тэрыторыю краіны прапускаюць. Ёсць абмежаванні ў дачыненні да фізічных асоб, якія прыбываюць і плануюць прыбываць з тэрыторый суседніх з намі дзяржаў. Ёсць паўнамоцтвы ў памежнікаў прымаць у тым ліку і прыватныя пастановы ў залежнасці ад сітуацыі, якая складваецца з тым, хто перасякае мяжу, - сказаў прадстаўнік ДПК.

Са слоў Бычкоўскага, «з астатнімм катэгорыям грамадзян прымаюцца прыватныя пастановы ў кожным канкрэтным выпадку».

Іншыя падрабязнасці ў ведамстве пакуль не далі.

Тым часам «Мінсктранс» паведаміў, што з 7.00 30 кастрычніка адноўлена выкананне рэйсаў міжнародных маршрутаў, прыпыненых напярэдадні вечарам.

Пры гэтым у «Мінсктрансе» звярнулі ўвагу, што ўезд на тэрыторыю Беларусі часова абмежаваны для асобных катэгорый грамадзян і рэкамендавалі шукаць падрабязнасці на сайце ДПК. У «Мінсктрансе» пакуль не змаглі адказаць на пытанне, якія катэгорыі грамадзян не прапусцяць на тэрыторыю краіны.

У МЗС краіны пакуль таксама няма падрабязнасцяў аб сітуацыі.

Што адбылося

29 кастрычніка ў другой палове сталі паступаць паведамленні аб тым, што беларусы не могуць вярнуцца ў краіну як мінімум з Польшчы і Літвы: іх разварочваюць на мяжы. Пазней з'явілася інфармацыя аб такіх жа праблемах і на мяжы з Украінай і Латвіяй.

У Дзяржаўным памежным камітэце ўчора паведамілі, што праз эпідэмічную абстаноўку часова абмежаваны ўезд з краін-суседак на тэрыторыю Беларусі праз наземныя пункты пропуску асобных катэгорый фiзiчных асоб.

«У сувязі з эпідэмічнай сітуацыяй, якая склалася ў сумежных краінах, Беларусь часова абмяжоўвае ўезд на сваю тэрыторыю праз наземныя пункты пропуску асобных катэгорый фiзiчных асоб з Латвіі, Літвы, Польшчы і Украіны», - заявілі ва ўстанове.

Пад абмежаванні не падпадаюць: супрацоўнікі дыпламатычных прадстаўніцтваў і консульскіх устаноў, дакументаваных дыпламатычнымі і службовымі пашпартамі; кіроўцы транспартных сродкаў, прызначаных для выканання міжнародных аўтамабільных перавозак; чальцы цягніковых і лакаматыўных брыгад міжнародных чыгуначных злучэнняў.

Разам з тым пункт пропуску ў Нацыянальным аэрапорце Менск функцыянуе без абмежаванняў.