Казахстан будзе ўпускаць замежнікаў толькі з даведкай аб COVID-19

Тэст трэба рабіць не раней за 72 гадзіны да моманту перасячэння мяжы.

Казахстан з 6 кастрычніка будзе прапускаць у краіну замежных грамадзян толькі з даведкай аб ПЦР-тэсце на каранавірус. Як паведамляе Charter97.org са спасылкай на Міністэрства аховы здароўя Казахстана, тэст трэба рабіць не раней за 72 гадзіны да моманту перасячэння казахстанскай мяжы.

Што тычыцца грамадзян Казахстана, якія прыбылі міжнароднымі авіярэйсамі, то ў выпадку адсутнасці даведкі з аналагічным тэрмінам дзеяння падлягаюць ізаляцыі ў карантынны стацыянар на два дні для лабараторнага абследавання на COVID-19 метадам ПЦР.