«Баста!»: Наносім удары па таракану ўсюды, дзе гэта магчыма

План дзеянняў на 5 кастрычніка.

Telegram-канал «Баста!» публікуе план дзеянняў на 5 кастрычніка. Публікуем прапанаваны Telegram-каналам план.

«Добрая раніца, сябры! Учора мы зноў паказалі нашы сілу і смеласць. У 57-ы дзень беларускай рэвалюцыі больш за 100 тысяч чалавек выйшлі на марш у Менску, дзясяткі тысяч выйшлі ў рэгіёнах. Эпізод са зламаным вадамётам усім падняў настрой і баявы дух. Дзякуй нашым героям!

Сёння пачынаем новы тыдзень гарачай беларускай восені і працягваем генеральны наступленне на ўзурпатара. Развіваем і ўзмацняем найбольш паспяховыя кірункі атакі.

❗Наносім удары па таракану ўсюды, дзе гэта магчыма, б'ём па самых балючых і уразлівых месцах. Ключавыя кірункі - штодзённыя вулічныя акцыі, падтрымка студэнцкіх пратэстаў, страйкі і сабатаж, партызанскі пратэст, вечаровы карнавал свабоды ва ўсіх гарадах і раёнах.

❗Наладжваем кантакт з суседзямі ў чатах дамоў, двароў, кварталаў. Дамаўляемся аб каардынацыі дзеянняў. Плануем супольныя мерапрыемствы на гэты тыдзень. Вызначаем кірункі працы і адказных за іх. Патрэбная дапамога - звяртайцеся, падзелімся досведам.

❗Падтрымліваем затрыманых на выходных удзельнікаў маршу. Менчукі, прыходзім да будынкаў раённых судоў. Жыхары іншых гарадоў, дзе прайшлі затрыманні, таксама прыходзім да будынкаў судоў. Падтрымліваем затрыманых, іх сем'і. Пішам лісты палітвязням», - прапаноўвае Telegram-канал.