Трампа пачалі лячыць ад COVID-19 прэпаратам, які даюць цяжкім пацыентам

Прэзідэнту ЗША даюць стэроідны прэпарат.

Прэзідэнт ЗША Дональд Трамп праходзіць лячэнне ад каранавіруснай інфекцыі з прымяненнем стэроіднага прэпарату дэксаметазон, паведамляе Associated Press са спасылкай на лекараў, піша «Медуза».

Лекары пачалі выкарыстоўваць стэроід 3 кастрычніка разам з другой дозай прэпарата рэмдэсівір, у Трамп няма пабочных эфектаў. Дэксаметазон выкарыстоўвалі пасля таго, як узровень кіслароду ў арганізме Трампа ўпаў да 93%, паведаміў лекар амерыканскага прэзідэнта Шон Конлі.

Як адзначае тэлеканал CNBC, дэксаметазон паказаў сваю эфектыўнасць пры лячэнні цяжкіх пацыентаў з каранавірусам, але можа быць шкодны пры меней цяжкіх выпадках.

4 кастрычніка Дональд Трамп ненадоўга пакінуў вайсковы медыцынскі цэнтр у штаце Мэрыленд, дзе ён праходзіць лячэнне ад каранавіруса, каб праз акно аўтамабіля павітаць прыхільнікаў. Падчас язды Трамп быў у ахоўнай масцы.