«Сыходзь!»: расейскія страйкоўцы-докеры закідалі новага дырэктара каскамі

Супрацоўнікі порта ва Уладзівастоку адмаўляюцца прымаць новае кіраўніцтва.

Ва Уладзівастоку на тэрыторыі ВМТП супрацоўнікі порта працягваюць страйкаваць праз прызначэнне на пасаду генеральнага дырэктара Рамана Кухарыка, паведамляе РІА VladNews са спасылкай на dps_vl.

У панядзелак, 5 кастрычніка, у марскім порце докеры-страйкоўцы закідалі каскамі, а затым і выпхалі кіраўнікоў FESCO, якія прыехалі да іх і хацелі назваць новага генеральнага дырэктара.

«Сыходзь», - менавіта такая фраза гучыць з вуснаў докераў.