Азербайджан паведаміў аб узяцці яшчэ дзевяці вёсак у Нагорным Карабаху

Прадстаўнікі Арменіі называюць гэтыя паведамленні фальсіфікацыяй.

Прэзідэнт Азербайджана Ільхам Аліеў паведаміў аб узяцці яшчэ дзевяці населеных пунктаў на лініі судакранання ў Нагорным Карабаху. Пра гэта ён заявіў падчас звароту да народа рэспублікі, паведамляе РБК.

«Сёння слаўнае азербайджанскае войска вызваліла наступныя населеныя пункты: горад Джабраіл, вёскі Кархулу, Шукурбэйлі, Юхары Маралян, Чэрекен, Дашкесан, Гараўлу, Дэкал, Махмудлу, Джафарабад», - паведаміў кіраўнік рэспублікі.

Прэзідэнт таксама звярнуўся да жыхароў гэтых вёсак з заклікам спыніць спробы аддзяліцца ад Азербайджана. Ён заявіў, што мае намер сілай вярнуць уцекачоў на іх спрадвечныя тэрыторыі.

Раней Аліеў паведаміў у Twitter, што азербайджанскае войска ўзяло горад Джабраіл і яшчэ некалькі найбліжэйшых населеных пунктаў. У адказ на яго заяву прэс-сакратар Мінабароны Арменіі Шушан Сцепанян напісала ў Facebook, што гэтае паведамленне -фальсіфікацыя.

«Старонкі афіцыйных асоб Азербайджана і Турцыі ў Twitter цяпер адна за адной святкуюць «вызваленне Джабраіла», гэта чарговая фальсіфікацыя», - гаворыцца ў допісе.