Пратэстоўцы ўзялі штурмам будынак МУС Кыргызстана
14- 6.10.2020, 10:50
- 29,673
Цяпер дэманстранты ідуць у бок будынка Дзяржаўнага камітэта нацыянальнай бяспекі.
Мітынгоўцы ў Бішкеку захапілі Міністэрства ўнутраных справаў Кыргызстана. Унутры будынка адбылася сутычка паміж пратэстоўцамі і в.а. міністра Курсанам Асанавым.
Частка пратэстоўцаў накіравалася ў бок Дзяржаўнага камітэта нацыянальнай бяспекі (ДКНБ) Кыргызстана, паведамляе vesti.kg.
У ноч з 5 на 6 верасня пратэстоўцы ў Бішкеку прарваліся на тэрыторыю Белага дому і ўзялі яго пад кантроль. Яны зламалі браму Дзяржкамітэта нацбяспекі краіны і зайшлі на ягоную тэрыторыю. Пасля перамоваў пратэстоўцы вызвалілі былога прэм'ер-міністра Сапара Ісакава, былога прэзідэнта краіны Алмазбека Атамбаева, асуджанага на 11 гадоў, і былога дэпутата Садыра Жапарава.
Напярэдадні ў краіне адбыліся выбары ў парламент, яўка склала 56,5%. Пераадолець сяміадсоткавы бар'ер здолелі толькі чатыры партыі, тры з якіх – праўладныя. Усяго на выбарах былі прадстаўленыя 16 палітычных аб'яднанняў, апазіцыя паведамляе пра маштабныя фальсіфікацыі і патрабуе перагляду вынікаў.