Латвія і Эстонія таксама адклікаюць сваіх амбасадараў з Беларусі
7- 7.10.2020, 9:23
- 24,895
Раней з краіны з'ехалі амбасадары Польшчы, Літвы і Нямеччыны.
Амбасадар Латвіі Эйнарс Семаніс і амбасадар Эстоніі Мэрыкэ Какаеў адкліканы з Беларусі ў свае сталіцы для кансультацый, найбліжэйшымі днямі яны з'едуць з Менска. Пра гэта tut.by паведамілі інфармаваныя крыніцы.
Раней з Беларусі з'ехалі амбасадары Польшчы, Літвы і Нямеччыны.
Нагадаем, дыпламатычны скандал паміж Беларуссю і краінамі ЕЗ разгарэўся 2 кастрычніка з патрабаванні МЗС Беларусі да амбасадаў Польшчы і Літвы ў нашай краіне скараціць колькасць дыпламатаў, якія працуюць у Беларусі. МЗС таксама прапанаваў Варшаве і Вільні адклікаць для кансультацый сваіх амбасадараў, якія працуюць у Беларусі.
Літва і Польшча спачатку адмовіліся адклікаць амбасадараў, але пазней перадумалі, і 5 кастрычніка амбасадар Літвы і амбасадар Польшчы выехалі ў свае сталіцы. Акрамя таго, 6 кастрычніка Менск пакінуў і амбасадар Нямеччыны. Кіраўнік Прадстаўніцтва ЕЗ у Менску Дырк Шубэль пакуль застаецца ў беларускай сталіцы.