Літва змяніла парадак самаізаляцыі для тых, хто прыязджае з-за мяжы
- 7.10.2020, 17:32
- 19,512
Самаізаляцыя патрэбная пасля прыезду з краін, дзе ўзровень захворванняў на 10% вышэйшы, чым у Літве.
Урад Літвы змяніў парадак самаізаляцыі для падарожнікаў, якія вяртаюцца з-за мяжы.
Пра гэта паведамляе Сharter97.org са спасылкай на міністэрства аховы здароўя Літвы.
З гэтага часу самаізалявацца трэба будзе толькі пасля прыезду з тых краін, дзе ўзровень захворванняў на COVID-19 вышэйшы, чым у Літве.
Дагэтуль у Літве дзейнічала патрабаванне самаізалявацца, калі чалавек прыбывае з краіны, дзе ўзровень захворвання складае больш за 25 выпадкаў на 100 000 жыхароў.
У адпаведнасці з новым парадкам самаізаляцыя патрэбная пасля прыезду з краін, дзе ўзровень захворвання на 10% вышэйшы, чым у Літве.