У Арменіі заявілі, што сын прэм'ера Пашынян рушыў на перадавую ў Карабах

Аўтобус з імі ўжо выехаў у зону баявых дзеянняў.

Армянскія СМІ паведамляюць, што сын прэм'ер-міністра краіны Нікола Пашыняна з'ехаў на перадавую ў Нагорны Карабах, піша «Новое время».

Відэа з падрыхтоўкай да адпраўкі падраздзялення добраахвотнікаў, у склад якога ўвайшоў і 20-гадовы Ашот, апублікавала на сваёй старонцы ў Facebook журналістка Ганна Акапян.

Паводле яе слоў, аўтобус з імі ўжо выехаў у зону баявых дзеянняў.

«Мы не раз у сваёй гісторыі даводзілі, што маем права жыць і тварыць на роднай зямлі, мы добра ведаем цану і мэту гэтай барацьбы. Сюды мяне прывяла барацьба за шчаслівае і мірнае жыццё і тое, што сёння гэта права парушаецца. Мы збіраемся перамагчы, у нас будзе шчаслівае жыццё, мы будзем ствараць шчасце для нашых братоў і сясцёр», - заявіў перад адпраўкай сын кіраўніка армянскага ўрада.