СГА ўпершыню ўзначаліць жанчына

На высокую пасаду прэтэндуюць двое.

Спіс кандыдатаў на пасаду новага кіраўніка Сусветнай гандлёвай арганізацыі (СГА) скараціўся з васьмі да двух чалавек. Гэта былы міністр фінансаў Нігерыі Нгозі Аканджа-Івеала і міністр гандлю Паўднёвай Карэі Ю Мен Хі.

У абедзвюх кандыдатак шмат досведу, як у банкаўскай сферы, так і ў палітыцы і на міжнароднай арэне. Абедзве вучыліся ў амерыканскіх універсітэтах, піша ВВС.

Нгозі Аканджа-Івеала, у якой таксама ёсць і амерыканскае грамадзянства, два разы была міністрам фінансаў Нігерыі, і на нядоўгі тэрмін міністрам замежных спраў гэтай краіны.

Большую частку сваёй кар'еры яна правяла ў Сусветным банку, дзе паднялася да ўзроўню кіраўніка дырэктара – другой па значнасці пасады.

Яна ўшчыльную займалася пытаннямі міжнароднага гандлю. Калі Нгозі Аканджа-Івеала будзе абраная краінамі СГА на пасаду кіраўніка арганізацыі, яна стане не толькі першай жанчынай на гэтай пасадзе, але і першым прадстаўніком Афрыкі.

Ю Мен Хі - таксама спецыяліст у пытаннях міжнароднага гандлю. Яна нарадзілася ў тым жа годзе, калі была створаная арганізацыя GATT - папярэдніца СГА. Яе кар'ера ў гэтай галіне пачалася ў 1995 годзе, калі была створаная СГА.

Ю Мен Хі брала ўдзел у ключавых для Паўднёвай Карэі гандлёвых перамовах з ЗША і Кітаем.

Канчатковыя вынікі выбары новага кіраўніка СГА стануць вядомыя ў першай палове лістапада.

Складаныя часы

Абедзве кандыдаткі падкрэсліваюць, што добра разумеюць, як менавіта дасягнуць пагаднення паміж варожымі бакамі ў рамках перамоў.

Гэты талент спатрэбіцца ім у будучыні, хто б з іх ні стаў кіраўніком СГА, бо пастановы ў гэтай арганізацыі прымаюцца большасцю прадстаўнікоў краін-сябраў, і кіраўніку СГА спатрэбіцца талент у мастацтве дыпламатыі.

СГА перажывае цяжкія часы: Кітай і ЗША - дзве найбуйнейшыя эканомікі планеты, пачалі паміж сабой гандлёвую вайну.

ЗША ўжо не першы год незадаволеныя працай СГА, але адміністрацыя прэзідэнта Трампа адмоўна ставіцца да гэтай арганізацыі ў прынцыпе.

Вашынгтон, напрыклад, цяпер падрывае адну з асноўных функцый СГА, а менавіта - развязанне гандлёвых канфліктаў паміж краінамі.

ЗША адмаўляюцца прызначыць або ўхваліць новых сябраў апеляцыйнай камісіі СГА, бо Вашынгтон уважае, што яны не кіруюцца дакладна правіламі СГА. У выніку, апеляцыйная інстанцыя СГА цяпер не можа разглядаць новыя скаргі.

Гэта не азначае, што апеляцыі больш немагчымыя, але сам працэс неймаверна запаволіўся.