Урад Беларусі перанёс дату поўнага запуску БелАЭС на 2022 год
24- 9.10.2020, 12:13
- 39,436
Замежныя краіны адмовіліся купляць электраэнэргію з Астравецкай АЭС.
Пастановай «савета міністраў» №582 унесеныя змены ў зацверджаны ў 2016 годзе комплексны план развіцця электраэнэргетыкі з улікам уводу ў эксплуатацыю Беларускай АЭС, паведамляе «Радыё Свабода».
Раней заканчэнне будаўніцтва і поўнае ўвядзенне ў эксплуатацыю БелАЭС магутнасцю 2,4 тысячы МВт планавалася ў 2019-2020 гадах. У новай рэдакцыі гэты тэрмін устаноўлены на 2022 год, гаворыцца ў дакуменце.
Акрамя таго, на 2022 год перанесенае ўвядзенне 800МВт пікаў-рэзервовых магутнасцяў на электрастанцыях, якія ўжо дзейнічаюць.
Таксама ў абноўленай рэдакцыі апублікаваны Міжгаліновы комплекс захадаў для павелічэння спажывання электраэнэргіі да 2025 года.
Замежныя краіны адмовіліся купляць электраэнэргію з БелАЭС, бо ўважаюць расейскі праект, паводле якога будуецца аб'ект, не адпаведным нормам бяспекі.