«У беларусаў атрымаецца раней, чым у нас»

Актывіст з Хабараўска - пра беларускую рэвалюцыі.

Заканчваецца трэці месяц пратэстаў у Хабараўску. Дзясяткі тысяч жыхароў краю 90 дзён выходзяць на вуліцы, каб падтрымаць арыштаванага губернатара Сяргея Фургала.

Валанцёр мясцовага штаба Навальнага Міхаіл Аляксееў у інтэрв'ю «Радыё Свабода» распавядае, у чым сэнс расейскіх пратэстаў і чаму ў беларусаў атрымаецца дамагчыся перамен раней.

Пра нявызначанасць

Пасля 90 дзён хаджэння мы не стаміліся. Вельмі здзіўляюць людзі. У буднія дні іх менш, але ў выходныя выходзіць столькі ж.

Пра галоўныя чыннікі пратэсту

Людзі далёка ад Масквы. Пра Далёкі Усход забыліся. Нас успрымаюць, як сыравінныдадатак. Грошы, якія застаюцца ў краі, мінімальныя. Нас пастаянна датуюць, хоць у Хабараўскам краі ёсць золата, лес і іншыя карысныя выкапні, і вытворчасць. Але грошы чамусьці не застаюцца ў краі.

Пра абарону выбару

«Адзіная Расія» меркавала, што ў яе вялікі рэйтынг. Гэтак жа, як і Лукашэнка. Таму Фургал, які на выбарах 2 гады таму ішоў ад ЛДПР, быў проста спойлер. Але «Адзіная Расія» настолькі расслабілася, што Фургал трапіў у другі тур, бо людзі галасавалі супраць «Адзінай Расеі». Тады людзі зразумелі, што ёсць сэнс прагаласаваць і ў другім туры. І так Фургал перамог.

Аб эфектыўнасці Фургала

Калі ў горадзе пратэставалі сіроты, якіх падманулі з кватэрамі, ён асабіста да іх выходзіў і вырашаў. Замест 100-200 кватэр на год ім пачалі даваць да 1000. Яго рэйтынг рос. Ён быў паўсюль, на ўсё звяртаў увагу. Запісваў на відэа свае нарады. І тут нечакана яго запіхваюць у машыну і вязуць у Маскву. І народ адрэагаваў: мы яго выбіралі, ён за 2 гады пачаў рабіць зрухі.

Пра аналогіі з Беларуссю

Большасць людзей галасавалі за нешта іншае, а іх не хочуць слухаць. У нас у горадзе на вуліцы выходзіла 10% жыхароў. Сітуацыя ідэнтычная. Таму з'явіліся лозунгі ў падтрымку Беларусі.

Пра адсутнасць радыкальных пастаноў

Па-першае, нават 10% на вуліцы - мала. Асабіста я супраць гвалту. Адказ сілавікоў можа быць вельмі жорсткі, у нас паліцэйская дзяржава. Але, магчыма, усё наперадзе. Людзі толькі пачынаюць глядзець інакш. Калі цярпенне лопне, то можа адбыцца ўсё што хочаце.

Пра паліцыю

Жорстка паліцыя не дзейнічае. Збіванняў або забойстваў няма. Ёсць дробныя поскудзі: адміністрацыйныя арышты, незаконныя затрыманні. Такіх жорсткасцяў, як у Беларусі, у нас не было.

Пра адсутнасць і дыялог

Створаны нейкі савет пры губернатары. Але невядома, хто ў яго ўваходзіць. Сам губернатар людзей, якія выходзяць, цалкам ігнаруе. Ніякага дыялогу.

Пра сэнс хаджэнняў

Трэба выходзіць, каб паказваць прысутнасць, што людзі ёсць. Улада разумее, што мы не здадзімся і не прымем яе пастановы (назначэння новага губернатара). Калі ўсё заглухне, то Фургала надоўга пасадзяць, і ўсё забудзецца. А людзі выходзяць і кажуць: «Не, мы не забыліся». Адзін з лозунгаў: «Мы яшчэ вернемся». Людзі кажуць, што гэта яшчэ не канец.

Пра тое, хто першы пераможа: Хабараўск або Беларусь?

Беларусь. У Беларусі гэта тычыцца ўсёй краіны. У нас краіна вялізная. У Маскве губернатар Хабараўскага краю нікому не цікавы, маўляў, дзе гэта наогул, гэта дзесьці за МКАД? Гэта далёка і незразумела. У Беларусі сітуацыя тычыцца кожнага беларуса.