Румынія адклікае свайго амбасадара з Беларусі
5- 9.10.2020, 16:50
- 14,700
Пастанова прынятая на знак салідарнасці з Літвой і Польшчай.
Румынія адклікае свайго амбасадара з Менску. Пра гэта ў «Твітэры» паведаміў міністр замежных спраў гэтай краіны Богдан Аўрэску.
We decided to recall our ambassador in #Belarus for consultations in solidarity with Lithuania🇱🇹 & Poland🇵🇱. #Belarus needs to understand that using diplomatic pressure on #EU Member States will not help dialogue and will not bring positive results.@RauZbigniew @LinkeviciusL
— Bogdan Aurescu (@BogdanAurescu) October 9, 2020
«Наважылі адклікаць нашага амбасадара ў Беларусі для кансультацый на знак салідарнасці з Літвой і Польшчай - напісаў міністр. - Беларусь павінна разумець, што выкарыстанне дыпламатычнага ціску на дзяржавы - чальцы ЕЗ не дапаможа дыялогу і не прынясе станоўчых вынікаў».
Раней аб адклiканнi амбасадараў з Менску на знак з фактычна высланымі пасламі Польшчы і Літвы заявілі шэсць краін Еўразвязу - Баўгарыя, Нямеччына, Латвія, Славаччына, Чэхія і Эстонія.
