Французскую праваабаронцу абмянялі на 200 тэрарыстаў
2- 9.10.2020, 18:37
- 25,249
Жанчына была ў палоне ў Малі з 2016 года.
Францыя вызваліла з палону ў Малі праваабаронцу Сафі Петранен. Пра гэта заявіў прэзідэнт Эмануэль Макрон у Twitter у пятніцу, 9 кастрычніка.
Паводле ўмоў выкрадальнікаў з малійскіх турмаў вызвалілі больш за дзве сотні тэрарыстаў, пісалі СМІ.
«Французы з нецярпеннем чакаюць сустрэчы з вамі, дарагая Сафі Петранен. Сардэчна запрашаем дадому!» - напісаў Макрон.
Да паведамлення прымацаваная ягоная супольная фатаграфія з 75-гадовай жанчынай. Разам з ёй вызвалілі грамадзян Італіі, якія знаходзіліся ў закладніках.
Адзначым, што Петранен была ў палоне з 2016 года і некаторы час была апошняй французскай палонніцай малійскіх груповак. Пасля вызвалення яна адразу ж заклапацілася працай гуманітарных праграм у барацьбе з голадам, часткай якіх кіравала.
Les Français se réjouissent avec moi de vous revoir enfin chère Sophie Pétronin. Bienvenue chez vous ! pic.twitter.com/OMmrLnBnY7
— Emmanuel Macron (@EmmanuelMacron) October 9, 2020