Літоўскія журналісты падтрымалі беларускіх калег
1- 9.10.2020, 19:36
- 12,554
Журналісты буйных літоўскіх выданняў запісалі відэазварот.
Журналісты буйных літоўскіх СМІ выказаліся ў падтрымку журналістаў Беларусі, якія сутыкаюцца з рэпрэсіямі з боку ўладаў, паведамляе Charter97.org.
Кіраўнік Саюза журналістаў Літвы Дайнюс Радзявічус сказаў, што свабода слова была і будзе і выказаў падтрымку журналістам Беларусі.
Галоўны рэдактар «Новай газеты - Балтыя» Марыя Епіфанава адзначыла, што ўлады Беларусі абвясцілі вайну незалежным журналістам. «Гэта недапушчальна. Свабода слова прапісаная ў Канстытуцыі. Рэпрэсіі павінны быць спыненыя, а дзеянні беларускіх чыноўнікаў абсалютна незаконныя», - дадала яна.
Журналіст партала Poryt.lt Эдмондас Бабянскас назваў рэпрэсіі супраць незалежных СМІ знішчэннем аднаго з дэмакратычных інстытутаў.
Аўтар парталаў Lietuvos Rytas і Verslo Zinijos Алдона Армале звярнулася да жанчын-журналістак і нагадала, што беларускія жанчыны - моцныя і мужныя.
Журналіст тэлеканалу LRT Герымантас Стацініс пажадаў журналістам рашучасці і ўстойлівасці ў барацьбе за дэмакратычныя перамены ў Беларусі.