Аліеў раскрытыкаваў працу Менскай групы АБСЕ па Карабаху

Са слоў прэзідэнта Азербайджана, Менская група «ўжо 28 гадоў вядзе пасіўную «дзейнасць».

Прэзідэнт Азербайджана Ільхам Аліеў заявіў, што Менская група АБСЕ 28 гадоў вядзе пасіўную «дзейнасць», пасярэдніцтва ні да чаго не прывяло.

«У нас 28 гадоў як ёсць міжнароднае пасярэдніцтва. Менская група АБСЕ з 1992 года, вось ужо 28 гадоў як, фактычна вядзе пасіўную «дзейнасць». Гэта пасярэдніцтва ні да чаго не прывяло. Гэта пасярэдніцтва прывяло да таго, што сёння адбываецца. Гэта пасярэдніцтва аказалася недастатковым для таго, каб Арменія пакінула тэрыторыі, якія не належаць ёй», - сказаў Аліеў у перадачы «The Connect World» на CNN.