Лекар Аляксей Носаў: Беларускія медыкі ўжо збіраюць матэрыялы для Гаагі

Рана ці позна картачны дамок улады ўзурпатара складзецца.

Лукашэнка загадаў не пускаць у Беларусь лекараў, якія з'ехалі ў Польшчу.

Як на словы Лукашэнкі адрэагавалі тыя самыя беларускія медыкі, якія з'ехалі за мяжу?

Пра гэта ў эфіры «Настоящего времени» распавёў Аляксей Носаў, лекар-траўматолаг, які працуе ў Валенсіі.

- Як вы і вашы калегі адрэагавалі на словы Лукашэнкі аб тым, што медыкаў, якія будуць з'язджаць і дапамагаць у іншых краінах змагацца з каранавірусам, іх не будуць пускаць назад у краіну?

- Як можна рэагаваць на гэта паведамленне? Чалавек сказаў, бо яму трэба было неяк адрэагаваць, а адэкватных слоў не знайшлося, таму ён сказаў тое, што сказаў. Гэта поўнае глупства, бо людзі, якія паедуць туды працаваць, а я не думаю, што яны будуць імкнуцца назад, бегчы і прасіцца на каленях, каб іх прынялі, - не. Яны паедуць - і паедуць. І тое, што ён сказаў цяпер, адварочвае яшчэ больш лекараў ад таго, што адбываецца ў Рэспубліцы Беларусь.

Я не кажу, што гэта правільна, калі выцякаюць мазгі, не. Зусім наадварот, вельмі не хацелася б страчваць выдатныя кадры, таму што з'едуць найлепшыя. Вы гэта павінны разумець. Дыягностыка і лячэнне вельмі моцна зазнаюць. Мала таго, зазнае галоўнае - здароўе. І нейтральныя людзі, якія нічога не гавораць, - ваша здароўе таксама зазнае, і здароўе вашых дзяцей зазнае. І што вы тады будзеце рабіць? Брацца за вілы? Тады будзе вельмі позна. Цяпер ёсць магчымасць развязаць усе мірным, абсалютна нармальным шляхам. Для гэтага ёсць сродкі, і тады людзі не стануць з'язджаць, а мала таго, шмат хто вернецца. Я, напрыклад, вярнуся, калі сітуацыя зменіцца.

- Вы разумееце, чаму раптам цяпер ён пра гэта загаварыў? Асабліва ў сітуацыі, калі ў краіне каранавірус, як і ўсюды?

- Таму што яму трэба было неяк адрэагаваць, бо гэта сапраўды вельмі сур'ёзная страта для Беларусі. Ён ідзе на тое, каб свядома страчваць людзей, кваліфікаваных работнікаў, бо цэнтр кардыялогіі, цэнтр траўматалогіі, навукова-даследчы [цэнтр] выходзяць на мірныя пратэсты, якія не прыносяць нікому шкоды. Мала таго, людзі гэта робяць у непрацоўны час.

І, натуральна, уладам вельмі балюча, што медыкі рэагуюць так, таму яны неяк павінны рэагаваць. А паколькі няма спосабу нармальна адрэагаваць - наладзіць нармальна сістэму аховы здароўя і шмат усяго, - натуральна, ужо позна. Улада не мае пад сабой ніякай ні сілы, ні крэатыўнасці, ні прадуктыўнасці, ні стварэння. Яна зараз толькі разбурае. Вось спрабуе далей руйнаваць. Гэта дурны выраз. Я ўважаю чалавека, які сказаў гэтыя словы, - а мы ведаем, хто гэты чалавек, за дурня.

- А вы разумееце, што ў Беларусі адбываецца з каранавірусам? Наколькі гэтая сітуацыя пад кантролем? Можа быць, да вас даходзяць нейкія звесткі ад калег, якія там працуюць?

- Я ў тэме каранавіруса ў Беларусі пачынаючы з сакавіка, напэўна. Можа быць, нават крыху раней. Спрабаваў прадухіліць той самы парад і ўсё астатняе, дапамагаў наладжваць нейкія кантакты з СІА (сродкаў індывідуальнай аховы) з валанцёрамі. Яны працавалі асобна, але ўсё адно неяк скантактоўваць іх трэба было.

Сітуацыя з каранавірусам наступная. Прыгажун, які цяпер кіруе ўсёй краінай, - я называю яго "вярхоўным вірусологам" - проста тупа не заўважае таго, што адбываецца. Рэальныя лічбы зусім не адпавядаюць таму, што ён дае статыстычна ў Сусветную арганізацыю здароўя. Пачнём з таго, што, калі Беларусь рабіла справаздачу аб смяротнасці па пяць чалавек па ўсёй Беларусі, у кожнай з лякарняў горада Менска, у якой былі кавідныя хворыя, памірала тры-чатыры чалавекі. Можаце сабе ўявіць ступень хлусні? І гэта я толькі пра Менск кажу.

Лекары збіраюць статыстыку пра каранавірус, створаную ініцыятыўнай групай. Ёсць такі чат "Белыя халаты", там ёсць цудоўныя людзі, якія займаюцца пэўнымі праектамі - збіраюць матэрыялы для Гаагі з нагоды збіцця, збіраюць інфармацыю пра каранавірус, - шмат усяго. Гэтыя матэрыялы будуць апублікаваныя, натуральна. Проста людзі павінны ведаць, што Міністэрства аховы здароўя на чале з "вярхоўным вірусолагам" хлусіць, паводле статыстыкі, сітуацыя зусім не вясёлая. Вельмі шмат хворых і вельмі шмат цяжкіх. Не стае сродкаў аховы.

- Улічваючы, што некаторыя лекары з'язджаюць, некаторыя адседжваюць арышт, сістэма ў стане справіцца яшчэ пры такой дадатковай нагрузцы, якую стварае сама дзяржава?

- Неразвязальных праблем няма, у плане эпідэміялогіі - таксама. Проста патрэбна галава, якая цяміць, і такія людзі ёсць, проста ім не даюць займацца гэтымі пытаннямі. Тыя, якія займаюцца, яны мяркуюць, што яны разумнейшыя за ўсіх, і іх абыякавае стаўленне або "ігнор" праблемы прывядзе да нейкага выніку? Не, наадварот, гэта ўсё пагоршыцца.

Я памятаю, што [Лукашэнка] сказаў, што ён забараняе вірус у Беларусі. Я разумею, што ў яго ёсць сіла забараніць вірусу забіваць людзей, і наогул ён, напэўна, смерці можа забараніць забіраць людзей. Напэўна, гэта для яго так. Але для ўсяго астатняга насельніцтва - не так. Людзі паміраюць ад каранавіруса, людзі хварэюць, імунітэт не вывучаны. Ніхто ў свеце яшчэ толкам не вывучыў, што гэта такое, што мы выпусцілі напраўду. Пару месяцаў таму казалі, што імунітэт у людзей трымаецца тры-чатыры месяцы. Зараз прайшоў час, кажуць, што імунітэт у людзей трымаецца шэсць-сем месяцаў. Гэта значыць, у працэсе даследаванняў змяняюцца звесткі светапогляду. Вірус працягвае вывучацца, бо мы выпусцілі звера.

- Ці ёсць у вас нейкія агульныя звесткі, колькі за апошні час ці ўвогуле выехала медыкаў за мяжу? І з якіх прычын?

- Гэтых звестак пакуль няма, але мяне дзівіць, здзіўляе і палохае той факт, што знаёмыя, з якімі мы камунікуем, раптам пачынаюць пытацца: "А як у вас у Гішпаніі з сістэмай пацвярджэння дыплома?" Я кажу: "А табе навошта?" Ён кажа: "А я ўжо ў Польшчы сяджу з сям'ёй. Нам дадуць дакументы, і я думаю, у якую краіну я паеду жыць". Вельмі шмат медыкаў у чаце ў нас у "Белых халатах" - больш за 5 тысяч, але, натуральна, там ёсць і не медыкі - ёсць і правакатары, і ўсё астатняе. Дапусцім, у чаце 3-3,5 тысячы медыкаў, [з іх], напэўна, ужо 70% змазваюць лыжы, таму што не маюць перспектывы, па-першае.

Сістэма аховы здароўя Беларусі - гэта ўтопія. Так не працуе сістэма аховы здароўя. Рана ці позна картачны дамок складзецца

Па-другое, тое, што абяцае дзяржава, яна не выконвае. Я не кажу пра матэрыяльны пытанні, але, урэшце, яны абяцалі выплаты за COVID, і замест выплат за COVID яны, мала таго, яшчэ і паздымалі нейкія даплаты, нейкія ўнёскі, адсоткі. Замест прыбытку атрымліваюцца адны страты, груба кажучы. Не выконваюцца абяцанні аб сродках аховы - гэта самае галоўнае. Ды і наогул сістэма аховы здароўя Беларусі - гэта ўтопія. Так не працуе сістэма аховы здароўя, як яна працуе ў Беларусі. Рана ці позна картачны дамок складзецца. Магчыма ўсё зрабіць так, як мае быць, але гэтым людзям не даюць рабіць. Я б з задавальненнем таксама ў гэтым паўдзельнічаў.

- Чаму вы з'ехалі з Беларусі, з якіх прычын?

- Таму што ў двух амапаўцаў паўсталі сур'ёзныя праблемы са здароўем пасля таго, як яны спрабавалі мяне пакрыўдзіць на такім жа абсалютна спакойным мерапрыемстве, якія цяпер праходзяць. Тады яны ўсё ж так не лютавалі, і я прайшоў праз суд, і мяне не забілі. Хоць цяпер я слова "забілі" ўжываю не наўмысна - гэта не жарт. Калі б я цяпер у гэтай сітуацыі зрабіў тое, што я зрабіў тады, я думаю, што мяне б проста забілі. А так мяне працягнулі праз суд, я заплаціў штрафы за зламаную руку, за зламаныя рэбры. Мала таго, на мяне напалі [менавіта] яны. Не буду занурацца ў падрабязнасці. Я з'ехаў з палітычных прычын, праз выказванне сваёй грамадзянскай пазіцыі.

- Калі гэта было?

- Гэта было ў 2008 годзе.