Кіраўнік МЗС Літвы аб пратэстах у Беларусі: Ніхто не можа гэта спыніць
- 10.11.2020, 10:06
- 17,307
Лінас Лінкявічус пракаментаваў тры месяцы мужнай і ўпартай барацьбы беларусаў.
Міністр замежных спраў Літвы Лінас Лінкявічус пракаментаваў заканчэнне трэцяга месяца пратэстаў у Беларусі супраць фальсіфікацыі вынікаў галасавання на прэзідэнцкіх выбарах 9 жніўня.
«Тры месяцы мужнай і ўпартай барацьбы за элементарныя правы ў Беларусі. Права выбіраць і права выказваць сваю волю. Ніхто не можа гэта спыніць», - напісаў Лінкявічус на сваёй старонцы ў «Твітэры».
Каментар ён суправадзіў фотаздымкамі, на якіх адлюстраваны акцыі салідарнасці з беларускім народам, якія праходзяць у Літве.
Three months of courageous and persistent fight for elementary rights in #Belarus. Right to choose and right to express own will. No one can stop it.
— Linas Linkevicius (@LinkeviciusL) November 9, 2020
We #StandWithBelarus #ЖывеБеларусь! pic.twitter.com/Jg1EnUb08X
