Ісці да перамогі

Ніхто ўжо не адбярэ ў нас нашу свабоду.

Тэлеграм-канал «Баста!» апублікаваў меркаванне свайго падпісчыка пра сітуацыю ў Беларусі:

«Колькі ж гэта будзе доўжыцца? Арышты, збіццё, катаванні, нават у сваёй кватэры не засцерагчыся ад карнікаў... Колькі ж яшчэ крыві і слёз павінна праліцца, каб кожны зразумеў: ісці – толькі да перамогі, нельга сядзець і чакаць, што нехта іншы зробіць усё за нас. Не зробіць. Толькі мы можам спыніць гэтае беззаконне.

Цяпер паміж жыццём і смерцю знаходзіцца адзін чалавек. А колькі іх будзе, калі мы апусцім рукі? Колькі будзе прысудаў, зламаных жыццяў, смерцяў?

Я веру, што мы пераможам. Проста чым раней устане ўсё грамадства, чым раней кожны нарэшце зразумее: няма ранейшага жыцця, – тым раней мы скончым гэта і тым менш будзе ахвяраў.

Успомніце забітых, успомніце палітвязняў. Мы павінны адпомсціць за смерці невінаватых і выратаваць тых, хто за кратамі. Мы проста не маем права здавацца. Мы павінны ісці да перамогі. Нас большасць, дык якога чорта меншасць спрабуе пастанаўляць за нас?

Мы зможам. Я ведаю, я веру. Верце і вы – і выйдзіце на вуліцы, страйкуйце, кажыце. Ніхто ўжо не адбярэ ў нас нашу свабоду».