У якіх краінах няма каранавірусу

Краіны-шчасліўчыкі знаходзяцца ў паўднёвай частцы Ціхага акіяна.

Пандэмія каранавіруса ахапіла практычна ўвесь свет. Аднак на планеце ёсць краіны, куды яшчэ не дабраўся COVID-19. Пра краіны, дзе дагэтуль не зафіксавана ніводнага выпадку інфікавання, паведамляе Associated Press.

Так, напрыклад, некаторыя краіны-шчасліўчыкі знаходзяцца ў паўднёвай частцы Ціхага акіяна. Гэта Тонга, Кірыбаці, Самоа, Мікранезія і Тувалу.

Выданне адзначае, што з пачаткам пандэміі ў Тонга яшчэ ў сакавіку закрылі аэрапорт і забаранілі заходзіць круізным лайнерам. Нягледзячы на гэта, улады ўсё роўна ўводзілі карантын, у выніку чаго асела эканоміка краіны.

Пацярпелі і іншыя, свабодныя ад інфекцыі ў гэтым рэгіёне краіны, бо іх эканоміка цесна завязаная на турызме.

Не зафіксаваны каранавірус у Антарктыдзе. Гэта на сёння адзіны не заражаны дагэтуль кантынент.

«Магчыма, на Зямлі няма месца, дзе людзі былі б больш пільныя ў абароне ад віруса. Гэта звязана з тым, што любы выбліск будзе складана кантраляваць у месцах, дзе людзі жывуць у цеснаце і дзе медыцынскія магчымасці абмежаваныя. Людзей, якія сур'ёзна захворваюць ў Антарктыдзе, звычайна эвакуююць і гэта можа заняць некалькі дзён ці нават тыдняў праз экстрэмальныя ўмовы надвор'я», - адзначае выданне.