Украіна заклікала пакараць забойцаў Рамана Бандарэнкі

Украіна далучылася да ЕЗ у асуджэнні рэпрэсій у Беларусі.

Украіна салідарная з Еўрапейскім Звязам у асуджэнні гвалту і рэпрэсіяў беларускіх уладаў, якія прывялі да смерці Рамана Бандарэнкі.

Пра гэта заявіла ў Твітэры Міністэрства замежных спраў Украіны.

«Украіна салідарная з ЕЗ у асуджэнні гвалту і рэпрэсіяў беларускіх уладаў, якія прывялі да смерці Рамана Бандарэнкі. Забойцы павінны быць абавязкова пакараныя, а тыя, хто іх выгароджвае, асуджаныя ўсім дэмакратычным светам», - гаворыцца ў паведамленні.

Украінскія дыпламаты таксама выказалі шчырыя спачуванні родным і блізкім Рамана Бандарэнкі.