Дзе можна здаць платны тэст на каранавірус у Менску?

Прыватная лабараторыя «Сінэва» не будзе рабіць ПЦР-тэст на COVID-19.

З 16 лістапада лабараторыя «Сінэва» часова не надавацьме паслугі па ПЦР-тэставанню на каранавірус. Гэтую інфармацыю tut.by пацвердзілі ў лабараторыі.

У сямі лабараторыях «Сінэва» з сярэдзіны кастрычніка можна было здаць тэст ПЦР на каранавірус. Мяркуючы з чэргаў перад лабараторыямі, попыт на паслугу быў вялікі. Аднак «на тэхнічныя прычыны» з панядзелка, 16 лістапада, гэтая паслуга не разлічаная, паведамілі ў лабараторыі. Тут кажуць, што прыпыненне часовае, калі адновіцца тэставанне - пакуль не вядома.

Раней паведамлялася аб прыпыненні запісу на такі аналіз у Менскім навукова-практычным цэнтры хірургіі, транспланталогіі і гематалогіі.

Дзе можна здаць тэст?

Здаць платны тэст на каранавірус у Менску можна ў некалькіх дзяржаўных медыцынскіх установах. Свабодных запісаў у некаторых з іх на найбліжэйшыя тыдні засталося няшмат. Напрыклад, у РНПЦ эпідэміялогіі і мікрабіялогіі засталося тры свабодныя гадзіны, пасля 7 снежня магчымасці запісацца на аналіз значна павялічваюцца.

Аб тэстах нядаўна казаў Лукашэнка

На нарадзе 5 лістапада Лукашэнка паказваў на тое, што ў некаторых лабараторыях кошт даследаванняў на COVID-19 даходзіць «да 300 рублёў за адзін тэст», а людзі бягуць у гэтыя лабараторыі і «псіхоз ствараюць у грамадстве». Ён даручыў «да панядзелка» - гэта значыць, да 9 лістапада - з гэтым разабрацца.

Лукашэнка заявіў, што тэставанне на каранавірус павінна праходзіць у тых лабараторыях, якія вызначыць Міністэрства аховы здароўя, а калі прыватныя лабараторыі захочуць «дапамагчы дзяржаве», то на «дзяржаўных умовах».

Дзе і за колькі рэальна зрабіць ПЦР-тэст?

З уласнага жадання здаць ПЦР-тэст праблематычна нават на платнай аснове. У Менску, напрыклад, іх робяць у адзінкавых лякарнях: у кансультацыях папярэджваюць, што людзі стаяць у чэргах з 7 раніцы. Што да прыватных лабараторый, то ПЦР-тэсты рабілі з кастрычніка толькі ў адной - «Сінэва», там таксама былі чэргі.

Вось параўнальныя кошты на платнае ПЦР-даследаванне для грамадзян Беларусі:

- 39,92 рубля ў 2-й гарадской клінічнай лякарні Менска;

- ад 37,94 рубля ў МНПЦ хірургіі, транспланталогіі і гематалогіі;

- 63,01 рубля ў прыватнай лабараторыі «Сінэва».

Тым, хто выязджае за мяжу, даведку з вынікам ПЦР-даследавання выдаюць толькі дзяржаўныя медустановы. Калі ёсць неабходнасць зрабіць яе самому і аператыўна, пачынаюцца складанасці: месца ў электронным запісе ў Менску трэба рэзэрваваць за некалькі тыдняў да мяркаванай даты выезду.

Чаму не ўсе лабараторыі праводзяць ПЦР-даследаванні?

Рабіць ПЦР-даследаванні могуць не ўсе: для гэтага сапраўды трэба як мінімум спецыяльнае абсталяванне, неабходныя кампетэнцыі спецыялістаў.

Аднак нагадаем, што тры лабараторыі падчас першай хвалі каранавірусу бясплатна дапамагалі дзяржаве з лабараторнай часткай тэставання. Пры гэтым самі не выконвалі даследаванні на платнай аснове - ні ПЦР, ні на антыцелы (магчымасць рабіць экспрэс-тэсты ў прыватных лабараторыях з'явілася толькі на пачатку жніўня).