Раўбічам адмовілі ў правядзенні чэмпіянату свету ў біятлоне

Для турніру абралі швейцарскі Ленцэрхайдзе.

Чэмпіянат свету-2025 у біятлоне пройдзе ў швейцарскім Ленцерхайдзе. Такая пастанова была прынятая на анлайн-кангрэсе IBU, паведамляе «Прессбол».

Адзіным канкурэнтам Швейцарыі былі беларускія Раўбічы. Чыноўнікі IBU наважылі даверыць правядзенне турніру Ленцэрхайдзе.

У 2024 годзе чэмпіянат свету пройдзе ў чэшскім Нове-Места.

РЦАП «Раўбічы» прымаў чэмпіянаты свету ў 1974, 1982 і 1990 гадах. У лютым 2022-га тут павінен прайсці этап Кубка свету.