Чэргі на мяжы: Выезду з Беларусі ў ЕЗ чакае больш за 1,8 тысячы фураў

Cамая напружаная абстаноўка – на літоўскім напрамку.

Больш за 1,8 тысячы грузавікоў стаяць у чэргах на выезд з Беларусі, самая напружаная абстаноўка – на літоўскім напрамку, піша tut.by.

Паводле звестак Дзяржпамежкамітэта на 8-ю 16 лістапада, у пункце пропуску «Каменны Лог» у чарзе стаяць больш за 520 грузавікоў, «Беняконі» – 330, «Прывалка» – 200, «Катлоўка» – 250.

Чэргі ёсць і на выездзе ў Латвію: у пункце пропуску «Грыгораўшчына» чакаюць больш за 130 грузавікоў, «Урбаны» – 100 фураў.

На беларуска-польскай мяжы ў «Брузгах» стаяць больш за 150 грузавых аўтамабіляў, у «Бераставіцы» – 80, «Казловічах» – 70.