Пенсіянеры Гародні прайшлі Маршам па цэнтры горада

Яны дайшлі да мемарыяла Раману Бандарэнку.

Больш за 20 пенсіянераў сабраліся сёння ўдзень у парку Жылібера, паведамляе «Радыё Свабода». Шэсце прайшло новым маршрутам праз плошчу Леніна, вуліцу Сацыялістычную і Кірава.

Дварамі пенсіянеры выйшлі на Савецкую вуліцу да мемарыяла памяці Рамана Бандарэнка. Усклалі кветкі.

Перад акцыяй затрымалі двух пенсіянераў. На самым Маршы затрыманняў бачна не было.