Віктар Бабарыка: За беларускіх студэнтаў у мяне пачуццё гонару

Апублікаваны ўрывак з ліста палітыка ў Міжнародны дзень салідарнасці студэнтаў.

«За студэнтаў у мяне пачуццё гонару», - піша Віктар Бабарыка ў нядаўнім лісце аб маладых людзях, якія кожны дзень мірнымі спосабамі змагаюцца за сваю свабоду.

Афіцыйны тэлеграм-канал Віктара Бабарыкі апублікаваў урывак з ліста ў Міжнародны дзень салідарнасці студэнтаў:

- І не згодны, што за студэнтаў крыўдна. Праўда, можа я не ўсё ведаю, але крыўдна за тых, хто супраць маладых, разумных і сумленных людзей прымае такія захады, як адлічэнне. Нават не крыўдна, а сорамна. А за студэнтаў у мяне пачуццё гонару. З іх выраслі сапраўдныя людзі. А гэта значна важней, чым уменне падпарадкоўвацца. І гора той краіне, якая гатовая расставацца з найлепшымі людзьмі, якія любяць яе. І быць настаўнікам у такіх студэнтаў - сапраўдны гонар. Можа, і ў мяне будзе яшчэ шанец прачытаць ім якую-небудзь лекцыю. Хоць, імаверна, гэта мне ў іх трэба будзе шмат чаму навучыцца!