NYT: Трамп планаваў атаку на ядзерны аб'ект у Іране

Дзейнага прэзідэнта ЗША адгаварылі дарадцы.

Прэзідэнт ЗША Дональд Трамп разглядаў магчымасць удару па адным з ядзерных аб'ектаў Ірана, аднак яго адгаварылі праз рызыкі ўзнікнення шырокамаштабнага канфлікту.

Пра гэта паведамляе The New York Times са спасылкай на чатыры крыніцы, сярод якіх дзейныя і былыя прадстаўнікі ўлады (пераклад - nv.ua).

Як гаворыцца ў артыкуле, падчас нарады ў авальнай кабінеце Трамп падняў пытанне, наколькі рэальна нанясенне ўдару па асноўным ядзерным аб'екце Ірана «ў найбліжэйшыя тыдні». Удакладняецца, што сустрэча адбылася пасля таго, як міжнародныя інспектары паведамілі пра «значнае павелічэнні запасаў ядзерных матэрыялаў у краіне».

Паводле інфармацыі крыніц выдання, старэйшыя дарадцы прэзідэнта адгаворвалі Трампа ад ідэі выкарыстання сілы ў Іране, папярэдзіўшы, што гэта «можа лёгка перарасці ў больш шырокі канфлікт у апошнія тыдні яго знаходжання на пасадзе».

Удакладняецца, што сярод прысутных на нарадзе былі віцэ-прэзідэнт ЗША Майк Пэнс, дзяржсакратар Майк Пампея, в.а. кіраўніка Пентагона Крыстафер Мілер і старшыня аб'яднанага камітэта начальнікаў штабоў Марк Мілі.

Як мяркуе выданне, гаворка магла ісці пра кібератакі або ракетны абстрэл аб'екта ў іранскім горадзе Нетэнз. Завод з'яўляецца адным з найважнейшых элементаў іранскай ядзернай праграмы. Напярэдадні Міжнароднае агенцтва атамнай энэргіі (МАГАТЭ) паведаміла, што ўранавыя запасы Тэгерана ў 12 разоў перавышаюць дазволеныя ядзернай угодай, з якой Вашынгтон выйшаў у 2018 годзе.

У адміністрацыі Трампа пакуль не адказалі на запыт журналістаў пракаментаваць публікацыю.