Павел Латушка: Задача беларусаў - не паддавацца

Супраць рэжыму - уся краіна.

Былы дыпламат і дырэктар Купалаўскага тэатра Павел Латушка пракаментаваў соты дзень барацьбы грамадзян Беларусі за свабоду.

Паводле ягоных слоў, цяпер «нельга адступаць», бо «ў нас няма іншага выйсця»: «Мэта нелегітымнай улады – пасеяць у душы беларусам пачуццё страху, дэматываваць і здушыць рашучасць».

Латушка адзначае, што ўлады рукамі сілавікоў не даюць людзям сабрацца, разбіваюць калоны, запалохваюць.

«Такой большасці супраць рэжыму дагэтуль не было. Таму сістэма спрабуе дзень за днём пераканаць людзей у тым, што іх меншасць. Гэта ж транслюецца ў галовы сілавікам», - напісаў ён у сваім тэлеграм-канале.

Палітык мяркуе, што «задача беларусаў - не паддавацца», бо сёння «супраць рэжыму ўся краіна!».

Ён падкрэсліў, што да паразы мірнага пратэсту можа прывесці толькі адзін шлях - «калі мы перастанем ў гэтыя [перамены] верыць і гэта бачыць».

«Прадстаўнікі ўсіх сфер - пенсіянеры, студэнты і іх прафесары, праграмісты і працаўнікі заводаў, медыкі і рабочыя - усе, абсалютная большасць, аб'ядналіся ў барацьбе з рэжымам», - падкрэсліў Латушка.

«Нам трэба стаць больш смелымі - і мы станем. Мы не спынімся. Але жыццё беларуса ніколі не будзе для нас сродкам да дасягнення мэты», - падкрэсліў Павел Латушка.