Ганна Шаркунова выпусціла кліп у памяць пра Рамана Бандарэнку

Спявачка адзначыла, што песня нарадзілася сама сабой.

Беларуская выканаўца Ганна Шаркунова выпусціла кліп «Малюнкі на сцяне». З тэксту песні прыхільнікі зразумелі, што кампазіцыя прысвечаная Раману Бандарэнку, загінуламу хлопцу з «Плошчы пераменаў». У ёй гучаць такія радкі: «Ты зрабіў усё правільна, ты свецішся полымем у кожным акне», паведамляе tut.by.

Ганна напісала ў Instagram, што выкінуць у смецце і затаптаць людскі боль і памяць нельга (хутчэй за ўсё, гаворка пра народныя мемарыялы Раману Бандарэнку, якія ўлады прыбіраюць па ўсёй краіне).

– Боль і памяць усё роўна прарываецца аскепкамі, выяўляецца ў малюнках, песнях і вершах, – дадала дзяўчына.

Яна таксама падзялілася, што песня атрымалася сама сабой, раптам.

– Вырвалася з нас як крык, вылілася слязьмі за некалькі гадзінаў. Ад жаху, таго, што адбываецца цяпер на вуліцах, ад гэтых бясконцых страшных навінаў. Вова напісаў гэтыя простыя пранізлівыя словы, а я села і адразу сыграла гэтую мелодыю, як быццам ведала яе раней... а потым доўга не магла праспяваць, захлынаючыся слязьмі. Вось такія сёння песні.

З тэксту песні:

Знай,

Не время умирать молодым,

Давай еще с тобой постоим,

Расскажешь мне

О планах на жизнь.

<…>

Живи,

Ты сделал все правильно,

Ты светишься пламенем

В каждом окне...