Французы могуць пачаць масавую вакцынацыю ад каранавіруса праз два месяцы

Для гэтага Парыж закупіў 30 млн доз вакцыны ад Pfizer.

У Францыі плануюць у пачатку 2021 пачаць масавую вакцынацыю ад каранавіруса. Пра гэта ў эфіры BFMTV паведаміў Аліўе Веран - міністр салідарнасці і аховы здароўя.

Цяпер, з ягоных слоў, Францыя працуе над падпісаннем кантрактаў з кампаніямі, якія займаюцца вытворчасцю антыкаранавіруснай вакцыны. Але для пачатку неабходна будзе пераканацца, што прэпараты, якія збіраюцца закупіць, бяспечныя для людзей і эфектыўныя.

Веран паведаміў, што французы ўжо закупілі папярэдне 30 млн доз вакцыны ад Pfizer.

«Нас не будуць стрымліваць пытанні лагістыкі. Разам з Еўрапейскай камісіяй мы паклапаціліся аб паступовым забеспячэнні паставак ва ўсе еўрапейскія краіны. Што тычыцца вакцыны ад Pfizer, мы папярэдне замовілі партыю, эквівалентную 30 мільёнам доз», - сказаў міністр.