Цэны нафты ўпалі пасля безвыніковых перамоў АПЕК +

Міністры краін-удзельніц угоды не змаглі прыняць рашэнні што да аб'ёмаў здабычы на наступны год.

Кошты нафты зніжаюцца на таргах у аўторак паводле выніку пасяджэння маніторынгавага камітэта АПЕК +, дзе міністры краін-удзельніц угоды не змаглі прыняць пастанову што да аб'ёмаў здабычы на наступны год, паведамляе finanz.ru.

На 20.04 мск студзеньскія ф'ючэрсы на марку Brent таннеюць у Лондане на 1,1%, да 43,34 даляра за барэль. Кантракты на амерыканскі эталонны гатунак WTI у Нью-Ёрку ўкладаюцца па 41 даляр за бочку, страчваючы ў кошце 0,9%.

Пагадненне пра выратаванне нафтавага рынку, складзенае вясной пасля кровапралітнай цэнавай вайны, са студзеня павінна было ўступіць у трэцюю фазу: дзяржавы-ўдзельніцы, уключаючы Расею і Савудаўскую Арабію, планавалі нарасціць пастаўкі на 2 млн барэляў у дзень, паменшыўшы сумарную квоту ў зніжэнні здабычы да 5,7 млн барэляў у дзень.

Аднак надзеі на аднаўленне сусветнай эканомікі і попыту на сыравіну разбіліся аб другую хвалю пандэміі, якая ўжо прывяла да поўнага або частковага локдаўну ў Аўстрыі, Нямеччыне, Францыі, Брытаніі, Турцыі і асобных штатах ЗША.

Рынак упэўнены, што АПЕК давядзецца дзейнічаць, кажа аналітык PriceFutures Group Філ Флін. Але міністры аддаюць перавагу яшчэ пачакаць.

Краіны-ўдзельніцы «дамовіліся працягнуць вывучэнне сітуацыі з попытам і прапановай у IV квартале 2020 года» і прыняць канчатковае рашэнне ў снежні, паведаміла прэс-служба ўрада Расеі. Маскву на перамовах прадстаўляў Аляксандр Новак - экс-міністр энэргетыкі, павышаны да віцэ-прэм'ера.

«Рынак занадта хутка мяняецца, каб прымаць рашэнне цяпер», - заявіў, каментуючы вынікі, кіраўнік Мінэнэрга Савудаўскай Арабіі прынц Абдулазіз бен Сальман.

Большасць краін падтрымліваюць ідэю пакінуць здабычу на бягучым узроўні як мінімуме на студзень-сакавік 2021, распавялі Reuters крыніцы ў АПЕК.

Такім разглядаліся і больш жорсткія сцэнары: падаўжэнне квот на 6 месяцаў і дадатковае скарачэнне здабычы на тэрмін ад квартала да паўгода.

Пачынаючы з верасня АПЕК сістэматычна пагаршае прагнозы па рынку нафты, і з таго часу адзнака попыту ў гэтым годзе была зніжана 700 тысяч барэляў у дзень. Картэль чакае, што свет будзе спажываць 90 млн барэляў у дзень - на 9,8 млн менш, чым да крызісу. Прагноз на 2021 год зніжаны на 300 тысяч барэляў у дзень - да 92,26 барэляў у дзень. Паводле разлікаў картэлі, у наступным годзе нафтавы рынак зможа аднавіць толькі дзве траціны пандэмічнага правалу: што да бягучага года попыт павялічыцца на 6,2 млн б/дз.

Беспрэцэдэнтны крызіс пакінуў сусветную эканомікі з нафтавымі лішкамі ў аб'ёме 212 млн барэляў - настолькі ў верасні запасы ў сусветных камерцыйных сховішчах перавышалі сярэдняе значэнне за 5 гадоў.

Паводле разлікаў АПЕК, калі пакінуць квоты нязменнымі і да красавіка не павялічваць здабычу), «лішкі» атрымаецца скараціць да 72 млн барэляў. Калі падоўжыць угоду на 6 месяцаў - да 21 млн барэляў.

Зрэшты, гэтыя ацэнкі заснаваныя на базавым сцэнары развіцця сітуацыі з пандэміяй, які не ўключае новыя «шокі». Альтэрнатыўны, крызісны сцэнар АПЕК прадугледжвае рост залішніх запасаў удвая - да 470 млн барэляў.