Выручка Belwest упала на 35%: Прыбытак значна паменшыўся

Абутковая кампанія ў стратах.

Справаздача СТАА «Белвест» (абутковы брэнд Belwest) за тры кварталы, як і раней, паказвае істотнае зніжэнне выручкі: блізу 81 млн рублёў, гэта значыць мінус 35% у параўнанні з тым, што было год таму. Справаздача за студзень – чэрвень паказала зніжэнне на 47%, піша office life.

Кіраўніца канцэрна «Беллегпрам» Таццяна Лугіна паведамляла летам, што ва ўсіх вытворцаў абутку пацярпелі фірмовыя збытавыя сеткі. На ўнутраным рынку падзенне продажаў склала 50%. Прычына – каранакрызіс.

Чысты прыбытак Belwest за студзень – верасень склаў усяго толькі 17 тыс. Для параўнання: год таму было амаль 4,5 млн. Цяпер кампанія не толькі атрымала менш грошай, але і больш выдаткавала на выплату адсоткаў у крэдытах і на інвестыцыі.