За апошнія дні да стачкі на БМЗ далучыліся пяць металургаў

Яны напісалі заявы аб пачатку забастоўкі ды падтрымалі патрабаванні народа.

За апошнія дні да стачкі на Беларускім металургічным заводзе (БМЗ) далучыліся пяць металургаў, паведамляе тэлеграм-канал «Баста». Гэта Сяргей Анісімаў, Аляксей Аўдзееў, Дзмітрый Дубарэнка, Дзмітрый Альховік, Алег Шанюк.

Яны напісалі заявы аб пачатку забастоўкі і падтрымалі патрабаванні народа!

Работнікі БМЗ паведамляюць, што людзі на заводзе вельмі незадаволеныя стаўленнем начальнікаў усіх рангаў: многія вытворчыя працэсы выконваюцца з парушэннямі нормаў аховы працы, а кадравай палітыкай кіруюць ідэолагі. Нават заявы на адпачынак, як паведамляюць супрацоўнікі БМЗ, падпісвае ідэалагічны аддзел завода.