Букмекеры ацанілі імавернасць перамогі Трампа на выбарах

Дзень усеагульных выбараў у ЗША адбудзецца 3 лістапада.

Са слоў букмекераў, шанцы дзейнага кіраўніка Белага дома Дональда Трампа выйграць прэзідэнцкія выбары ў 2020 годзе значна вышэйшыя, чым у 2016 годзе. Пра гэта піша Newsweek са спасылкай на букмекерскую кантору Betfair.

Так, са слоў экспэртаў, шанцы Трампа застацца ва ўладзе на другі тэрмін амаль удвая вышэйшыя, чым чатыры гады таму. У букмекерскай канторы адзначылі, што ўсяго за дзень да пачатку галасавання ў 2016 годзе меркаваная імавернасць перамогі будучага прэзідэнта ЗША над яго апаненткай Хілары Клінтан складала блізу 18 адсоткаў. У той час Клінтан лічылася відавочным фаварытам прэзідэнцкай гонкі з верагоднасцю перамогі 83 працэнты. Нягледзячы на гэта, 61 працэнт ставак на мінулых выбарах быў зроблены на Трампа.

Як і Клінтан, кандыдат ад Дэмакратычнай партыі ЗША на выбарах 2020 года Джо Байдэн уважаецца фаварытам букмекерскіх кантор. За дзень да пачатку галасавання Betfair Exchange дае яму 66-працэнтную меркаваную верагоднасць здабыць перамогу над Трампам, тады як шанцы на перамогу прэзідэнта ЗША букмекеры ацанілі ў 35 адсоткаў, што амаль удвая вышэй, чым ў 2016 годзе.

Раней Байдэн заявіў, што верыць у сваю перамогу. Да гэтага стала вядома, што паводле вынікаў папярэдніх апытанняў дэмакрат абыходзіць прэзідэнта ЗША ў Пенсільваніі, Фларыдзе, Арызоне і, з вялікім адрывам, у Вісконсіне. Гэтыя чатыры штата лічацца ключавымі для вынікаў выбараў. Характэрна, што Байдэн аказаўся больш папулярным сярод выбарцаў, якія не галасавалі на прэзідэнцкіх выбарах у 2016 годзе. Яны падтрымліваюць кандыдата ад дэмакратаў з перавагай у 19 пунктаў у Вісконсіне, у 17 пунктаў у Фларыдзе, у 12 пунктаў у Пенсільваніі і ў сем пунктаў у Арызоне.

Дзень усеагульных выбараў у ЗША адбудзецца 3 лістапада.