Прыметнік «беларускі» – у намінантах на «слова года» ад Оксфардскага слоўніка
22- 23.11.2020, 13:58
- 19,691
Яно стала адным з самых ужывальных сёлета.
Оксфардскі слоўнік ангельскай мовы не змог выбраць толькі адно слова 2020 года.
Замест гэтага яны апублікавалі шэраг паняццяў, якія найбольш поўна апісваюць гэты час.
Адзначаецца, што вясной у спіс агульнаўжывальных словаў трапілі звязаныя з пандэміяй: «каранавірус», COVID, COVID-19, «пандэмія», «эпідэмія», «сацыяльная дыстанцыя», «фізічная дыстанцыя», «локдаўн», «дыстанцыйная праца» і гэтак далей.
Акрамя таго, у слоўнік сярод іншых патрапілі словы «імпічмент», «лясны пажар» і прыметнік «беларускі».
Cлоўнік адзначыў, што паўстанне беларускага народа супраць Лукашэнкі звярнула сусветную ўвагу да падзеяў у Беларусі.
Адзначым, што мэтай акцыі «Слова года» з'яўляецца вызначэнне настрою або заклапочанасці ў грамадстве ў адыходным годзе, а таксама выяўленне самых актуальных, значных і папулярных выразаў. Выбірае слова года або экспертнае журы канкрэтнай арганізацыі, або сацыялагічныя службы з дапамогай апытання грамадскай думкі