Мужчына са звязанымі рукамі дзякуе карнікам, што дасталі яго са Свіслачы

«Міласэрнасць» вышэйшага ўзроўню.

Інцыдэнт адбыўся 22 лістапада каля Нацыянальнай бібліятэкі. У распаўсюджаным відэа сілавікі вызначылі расказаць, як яны выратавалі чалавека з вады і як ён ім удзячны. Сваю падзяку змёрзлы і мокры мужчына прамаўляе са звязанымі за спіной рукамі, піша «Салідарнасць».

- У рэчку навошта скокнуў? - пытаюцца ў яго.

- Я спалохаўся здзекаў з мяне.

- З цябе нехта здзекаваўся?

- Я глядзеў на тэлевізіі...Не, ніхто?

- Супрацоўнікі міліцыі цябе з вады дасталі?

- Так, дасталі.

- Супрацоўнікам сказаць «дзякуй» хочаш?

- Вядома, абавязкова. Дзякуй!

- Скажы ім!

- Дзякуй, супрацоўнікі міліцыі, што дасталі мяне з вады!

Пра далейшы лёс выратаванага нічога не вядома.

Як стала вядома tut.by, мужчынам на відэа быў вядомы беларускі лёгкаатлет-мнагаборац Мікалай Шубянок.