Эканамічны пратэст: беларусы прымусілі панервавацца прэм'ера Галоўчанку

Банкі адзначаюць значны адток укладаў насельніцтва ў замежнай валюце.

За два апошнія месяцы пратэстаў беларусы скарацілі куплю валюты, паведаміў прэм'ер-міністр Беларусі Раман Галоўчанка ў эфіры «Беларусь1».

«Я спадзяюся, што разумныя пачуцці возьмуць ўверх і сітуацыя на фінансавым рынку канчаткова стабілізуецца», - цытуюць заяву Галоўчанкі naviny.by.

Банкі адзначаюць значны адток укладаў насельніцтва ў замежнай валюце.

Прычынамі фінансавай нестабільнасці ў краіне прэм'ер назваў «элементы скаардынаванай кампаніі, закліканай нанесці эканамічную шкоду краіне».

Так і ёсць. Пачынаючы з 9 жніўня беларусы заклікаюць адзін аднаго ўсяляк байкатаваць дзяржаўны сектар эканомікі на знак пратэсту супраць рэжыму Лукашэнкі, гвалту і з патрабаваннямі вызваліць усіх палітвязняў і правядзення новых выбараў.

Сярод народных мер супраціву рэжыму: зацягванне выплаты падаткаў, паслуг ЖКГ, байкот тавараў лаяльных рэжыму вытворцаў, зняцце грошай з рахункаў у беларускіх рублях і замежнай валюце.

Галоўчанка заявіў, што дзякуючы суладным дзеянням урада, Нацбанку задумы прычыніць шкоду рэжыму не былі рэалізаваныя.

Нацыянальны банк праблему прызнаў і звярнуўся да камерцыйных банкаў краіны з патрабаваннем забяспечыць своечасовае падмацаванне замежнай валютай.