Бацькі студэнтаў БДУІР прыстрашылі, што перастануць плаціць за вучобу

Яны выставілі кіраўніцтву ВНУ свае патрабаванні.

Бацькі студэнтаў-платнікаў БДУІР склалі калектыўны зварот рэктару ВНУ Вадзіму Богушу. Яны патрабуюць абараніць выкладчыкаў універсітэта і спыніць пераслед студэнтаў за іх погляды. Як распавёў dev.by адзін з бацькоў, зварот ужо падпісалі 130 чалавек. Збор подпісаў прадаўжаецца.

У сваім звароце бацькі канстатуюць, што ў ВНУ пераследуюць студэнтаў і выкладчыкаў за выражэнне грамадзянскай пазіцыі, адбываюцца незаконныя затрыманні невядомымі асобамі ў масках, звальняюць найлепшых спецыялістаў.

- Сваімі дзеяннямі адміністрацыя ўніверсітэту прычыняе непапраўную шкоду адукацыйнаму працэсу, парушае ўзятыя на сябе гарантыі забеспячэння адукацыі на высокім узроўні, і тым самым касуе прэстыж навучальнай установы. Мы заклікаем адміністрацыю БДУІР ажыццяўляць свае паўнамоцтвы строга паводле заканадаўства Рэспублікі Беларусь, - гаворыцца ў звароце.

Таксама бацькі выставілі кіраўніцтву ВНУ свае патрабаванні:

Абараніць выкладчыкаў і забяспечыць умовы для іх прафесійнай дзейнасці. Спыніць звальняць і пераследаваць выкладчыкаў, якія адкрыта выказалі сваю грамадзянскую пазіцыю, у тым ліку тых, хто падпісаўся супраць адлічэння студэнтаў.

Даць спісы выкладчыкаў, звольненых з пачатку года і даць інфармацыю аб прычынах звальнення.

Спыніць пераслед студэнтаў за іх погляды, якія не супадаюць з вашымі.

Стварыць бяспечныя ўмовы арганізацыі адукацыйнага працэсу, забараніўшы знаходзіцца на тэрыторыі ўніверсітэта невядомым асобам.

У звароце ўказваецца, што 15 лістапада надыходзіць наступны тэрмін аплаты за навучанне, таму бацькі просяць адказаць на іх зварот пісьмова да 13 лістапада.

- Калі кіраўніцтва ўніверсітэта не забяспечвае якаснага адукацыйнага працэсу, то бацькі як аплатнікі мяркуюць, што маюць права не аплачваць такія паслугі.

У выпадку адмовы ў задавальненні нашых патрабаванняў, мы пакідаем за сабою права дамагацца іншымі законнымі метадамі і спосабамі скасавання незаконных загадаў аб звальненні выкладчыкаў i адлiчэннi студэнтаў, а таксама намагаць на змене кіраўніцтва БДУІР, - напісалі бацькі студэнтаў.