Ва Украіну вярнуўся нацгвардзеец Маркіў, вызвалення якога дамагаўся Кіеў

Італійскі суд цалкам апраўдаў украінскага вайскоўца.

Украінскі вайсковец Віталь Маркіў, якога ўчора апраўдаў міланскі суд, ужо сёння вярнуўся ва Украіну. Ён прыбыў самалётам.

Пра гэта паведамляе РБК-Украіна.

Абноўлена: на брыфінгу Маркіў сказаў, што разам з адвакатамі будуць чакаць канчатковага заключэння касацыі.

«Адказнасць павінны панесці людзі, якія спрабавалі зганьбаваць УСУ і ўкраінскі народ», - сказаў Маркіў.

Сваёй першай задачай ён назваў прадаўжэнне службы ва УСУ. Ён таксама сказаў, што плануе цяпер паехаць да прэзідэнта Уладзіміра Зяленскага.

Нагадаем, 3 лістапада ўкраінскі вайсковец Нацыянальнай гвардыі Віталь Маркіў быў апраўданы апеляцыйным судом у Мілане. Марківа прызналі невінаватым у забойстве італійскага журналіста Андрэа Ракелі падчас баявых дзеянняў на Данбасе.

Раней італійскі суд прызнаў украінскага нацгвардзейца Марківа вінаватым у забойстве італійскага журналіста. Украінец быў прысуджаны да 24 гадоў пазбаўлення волі. Украінскі бок абскардзіў гэтую пастанову ў апеляцыйным судзе.