Беларускія студэнты - каталізатары рэвалюцыі

Студэнты праяўляюць нябачаную зацятасць у сваёй барацьбе і натхняюць народ сваёй энэргіяй.

Падпісчыца тэлеграм-канала «Баста!» звярнулася да студэнтаў:

«Маладыя, смелыя, крэатыўныя - гэта нашы студэнты. Менавіта яны ўжо зусім хутка стануць лекарамі, настаўнікамі, акторамі, журналістамі, навукоўцамі і шмат-шмат кім яшчэ, у новай, вольнай Беларусі.

Не гледзячы ні на што, вы праяўляеце нябачаную зацятасць у сваёй барацьбе і натхняеце беларускі народ сваёй энэргіяй.

Вас не запалохаць пагрозамі адлічэнняў і позвамі, вас не зламаць АМАПам у вашых карпусах. Вас не спыніць.

Мы ўсе з захапленнем глядзім, як студэнты ставяць на месца адміністрацыю, што загрузла ў перажытках савецкага мінулага, а тыя ў сваю чаргу ўпадаюць у ступар, таму што бачаць - гэта голас народа, голас перамен і яны не ў сілах з гэтым змагацца.

Будучыня Беларусі - ваша будучыня».