Зяленскі заразіўся каранавірусам
14- 9.11.2020, 18:33
- 21,660
Ён будзе выконваць абавязкі прэзідэнта Украіны ў дыстанцыйным рэжыме.
Прэзідэнт Украіны Уладзімір Зяленскі захварэў на каранавірусную інфекцыю COVID-19, пра гэта ён паведаміў у Twitter.
«Няма ў свеце шчасліўчыкаў, для каго б COVID-19 не ўяўляў пагрозы. Нягледзячы на ўсе карантынныя мерапрыемствы, я таксама атрымаў станоўчы вынік. У мяне 37,5, а ўсім зычу 36,6! Зрэшты, адчуваю сябе добра», - напісаў ён.
Немає у світі щасливчиків, для кого б #COVID19 не становив загрози. Попри усі карантинні заходи, я теж отримав + результат. В мене 37,5, а всім бажаю 36,6! Втім, почуваюся добре. Обіцяю ізолюватися і продовжую працювати. Більшість долає COVID19. І я теж це пройду. Все буде добре!
— Володимир Зеленський (@ZelenskyyUa) November 9, 2020
Офіс прэзідэнта Украіны праінфармаваў у Telegram, што Зяленскі будзе выконваць абавязкі кіраўніка дзяржавы ў дыстанцыйным рэжыме.
«У яго заўсёды будуць неабходныя прылады і абсталяванне для сувязі. Кіраўнік Офіса прэзідэнта, ягоныя намеснікі і работнікі Офіса здаюць ПЦР-тэсты на сталай аснове. Юлія Каваліў, на шчасце, ужо атрымала адмоўны тэст і прыступае да працы ў звычайным рэжыме з захаваннем карантынных абмежаванняў . Мы будзем паведамляць аб стане прэзідэнта і работнікаў Офіса», - сказана ў паведамленні.
