Кампанія А1 выступіла супраць росту падаткаў у Беларусі

Гэта прымусіць замежных інвестараў сысці з рынку.

Часовае павышэнне стаўкі падатку на прыбытак, прадугледжанае праектам закона "Аб змяненні Падатковага кодэкса", можа негатыўна паўплываць на прывабнасць Беларусі для замежных інвестараў у выпадку, калі гэты дакумент будзе прыняты, мяркуюць гульцы рынку, паведамляе interfax.by.

Гаворка ідзе, сярод іншага, пра тэлекамунікацыйную галіну: для аператараў сотавай сувязі і аператара абавязковых універсальных паслуг электрасувязі на 21 лютага 2022 г. праект зменаў прадугледжвае самае сур'ёзнае павышэнне стаўкі падатку на прыбытак: з 18% да 30%. Гэтыя захады закліканыя кампенсаваць выдаткі на барацьбу з COVID-19. Аднак, на думку прадстаўнікоў галіны, яны вынікуюць непажаданыя эканамічныя наступствы, паколькі будуць азначаць пагаршэнне інвестыцыйнага клімату ў Беларусі.

"Мы ганарымся тым, што А1, частка A1 Telekom Austria Group, найбуйнейшага замежнага інвестара ў сферы інфармацыйна-камунікацыйных тэхналогій у Беларусі, цягам многіх гадоў з'яўляецца адным з самых буйных падаткаплацельнікаў з ліку кампаній з недзяржаўнай формай уласнасці. Пры гэтым мы выказваем шкадаванне ў сувязі з тым, што тэлекамунікацыйная і IT-галіны зноў сутыкаюцца з пагаршэннем інвестыцыйнага клімату для вядзення бізнэсу ў Беларусі, у той час як іншыя краіны актыўна заахвочваюць інвестыцыі ў сферах, звязаных з інфармацыйнымі тэхналогіямі і лічбавай трансфармацыяй", – пракаментавалі прапанаваныя змены ў прэс-службе кампаніі А1.

Нагадаем, пад дзеянне прапанаваных праектам закона "Аб змяненні Падатковага кодэкса" часовых захадаў трапляюць усе беларускія аператары фіксаванай і мабільнай сувязі (А1, МТС, life :), а таксама beCloud) і РУП "Белтэлекам" як аператар абавязковых універсальных паслуг электрасувязі.