Як ударыць па рэжыме амерыканскі Акт аб дэмакратыі ў Беларусі

У ЗША ёсць вялізныя магчымасці для ўплыву на сусветную банкаўскую сістэму.

Сенат ЗША ўхваліў Акт аб дэмакратыі для Беларусі. Выданне the-village.me піша пра тое, якое практычнае значэнне для Беларусі будзе мець гэты дакумент і калі ён набудзе моц.

Калі дакумент увойдзе ў дзеянее

ППасля прыняцця Палатай прадстаўнікоў Акт павінен быць зацверджаны Сенатам. Сенат павінен быў зацвердзіць пералік актаў, сабраны ў адзіны пакет. І ўключэнне Акту аб дэмакратыі для Беларусі з'яўлялася першараднай задачай - у гэтым выпадку Акт можна ўважаць за прыняты, бо гэта становіцца простай фармальнасцю. У выніку, Сенат зацвердзіў уключэнне Акту аб дэмакратыі ў Беларусі ў агульны пакет.

Цяпер, пасля фармальнага галасавання за ўвесь пакет дакументаў у Сенаце, Акт апынецца на стале дзейнага прэзідэнта ЗША Дональда Трампа. Цяжка ўявіць, каб Трамп не падпісаў гэты дакумент, бо для такога кроку трэба мець больш, чым сур'ёзныя падставы.

Закон набудзе моц праз дзесяць дзён пасля галасавання ў сенаце, нават калі Дональд Трамп, які сыходзіць з пасады, не паспее ці не захоча яго падпісаць.

Якое практычнае значэнне для Беларусі мае гэты дакумент

Фактычна, гэта той жа акт, які быў прыняты ў 2004, 2006, 2011 гадах на ініцыятыву кангрэсмэна Крыса Сміта, які ўжо 16 гадоў займаецца беларускай тэматыкай. Ён быў дапоўнены і прывязаны да актуалій. У яго новым выданні ёсць цэлы шэраг захадаў, якія ў дачыненні да Беларусі яшчэ не прымаліся.

Напрыклад, законапраект дае ФБР 90 дзён на пастановы аб замежнай уласнасці Аляксандра Лукашэнкі і ягоных сямейнікаў. Гэта зусім новая сістэма - яна азначае, што будзе здзейсненае расследаванне і зробленая справаздача пасля вынікаў у заканчэнні гэтага тэрміну.

Акт ужо змяшчае імёны Лукашэнкі, Ярмошынай і іншых, хто быў уключаны туды раней, але яго важнасць у тым, што гэта адкрыты спіс, ён будзе змяняцца і дапаўняцца. Туды будуць уключацца пракуроры, суддзі - усе, хто прымае пастановы ў рамках палітычных рэпрэсій. Гэта прынцыпова новы фармат уплыву на Беларусь - стварэнне заканадаўчага механізму, якім Злучаныя Штаты будуць кіравацца пры прыняцці пастаноў.

Як паказаў 2011 год, амерыканскія санкцыі маюць значна большую вагу і значэнне, чым еўрапейскія, і агулам Акт - больш сур'ёзны механізм, чым пакеты санкцыяў Еўразвязу. У 2011 годзе ЕЗ наогул не прыняў сваіх санкцый, а далучыўся да амерыканскага акту. Пасля гэтага Лукашэнка пайшоў на вызваленьне палітвязняў. Не варта таксама забываць, што ў Злучаных Штатаў ёсць куды больш магчымасцяў для ўплыву на сусветную банкаўскую сістэму.