Якім будзе надвор'е на Каляды

Прагноз надвор'я ў Беларусі на 23-25 снежня.

23 снежня варункі надвор'я ў Беларусі будуць вызначаць атмасферныя франты, якія змяшчаюцца з тэрыторыі Заходняй Еўропы. Чакаецца перавага хмарнага надвор'я. Часам ападкі, месцамі моцныя ападкі (мокры снег, дождж), піша сайт pogoda.by.

Месцамі галалёд, завіруха. На асобных адцінках дарог галалёдзіца. Вецер паўднёвы з пераходам на заходні парывісты, месцамі моцны парывісты. Тэмпература паветра мінімальная ўначы ад -5°С на ўсходзе да +2°С на паўднёвым захадзе, максімальная ўдзень -2..+4°С, на захадзе +5..+7°С. Атмасферны ціск уначы будзе падаць, удзень істотна не зменіцца.

24 снежня надвор'е прадоўжаць фармаваць франтальныя раздзелы, якія змяшчаюцца з тэрыторыі Заходняй Еўропы. Уначы месцамі, удзень на большай частцы тэрыторыі пройдуць ападкі (дождж, мокры снег). Уначы і раніцай у асобных раёнах слабыя туман і галалёд. На дарогах месцамі галалёдзіца. Вецер паўднёвай чвэрці сярэдні, удзень парывісты. Тэмпература паветра ўначы -3..+2°С, удзень 0..+5°С, на паўднёвым захадзе да +8°С, у паўночна-ўсходніх раёнах -1..-2°С.

25 снежня надвор'е будзе вызначаць цыклон, які змяшчаецца з поўначы Польшчы праз Беларусь на тэрыторыю Маскоўскай вобласці. Часам чакаюцца ападкі (дождж, які будзе пераходзіць у мокры снег). На асобных адцінках дарог галалёдзіца. Вецер заходні, паўночна-заходні сярэдні, удзень парывісты. Тэмпература паветра цягам дня ад -2°С на поўначы да +5°С на поўдні.