«Сапраўдны каранавірусны інкубатар»

На пошце ў Жодзіне людзі стаяць гадзінамі.

У паштовым аддзяленні ў Жодзіне з 18 снежня змяніўся графік працы. Цяпер тут два выходныя дні: нядзеля і панядзелак. Працоўны дзень на дзве гадзіны зменшыўся: перш аддзяленне працавала з 9.00 да 19.00 цяпер - з 10.00 да 18.00.

«Чэргі тут і так былі, але цяпер яны проста велізарныя», - напісаў ex-press.by чытач Аляксей і запрасіў разам з ім схадзіць на пошту і ўсё ўбачыць на свае вочы.

- У суботу чарга была яшчэ большай, - распавёў гараджанін. - Я ўвайшоў у залу і падумаў: «Сапраўдны каранавірусны інкубатар». І пайшоў. У нядзелю і ў панядзелак на пошце былі выходныя дні.

Сёння, 22 снежня, у Аляксея апошні дзень, каб атрымаць паcылку, з заўтрашняга дня за захоўванне трэба будзе плаціць грошы. Таму ён наважыў усё ж застацца і дачакацца сваёй чаргі.

Абураюцца шматлікія. Паджылая жанчына кажа:

- Я стаю ўжо паўгадзіны, мне трэба адправіць пасылку, а маё цярпенне ўжо скончылася. У трох акенцах работнікі абслугоўваюць кліентаў бесперапынку, але чарга меншай не становіцца. Сапраўды, каб адправіць ці атрымаць пасылку, забраць пенсію або заплаціць камунальныя паслугі ў разгар пандэміі, трэба быць рызыкоўным чалавекам.

На пытанне, чаму змяніўся расклад, работнікі пошты адказваюць:

- Людзі ў нас хварэюць, гэта вымушаны захад. Вы не ведаеце, як ва ўсёй краіне?

Аляксей па запаветную пасылку ў чарзе стаяў 1 гадзіну і 40 хвілін.