Ігар Лосік: Я яшчэ больш рашуча настроены ісці да канца

Палітвязень прадаўжае трымаць галадоўку.

Палітвязень Ігар Лосік прадаўжае трымаць галадоўку ў Жодзінскай турме №8, паведамляе тэлеграм-канал «Беларусь галаўнога мозгу».

Ігар адчувае сябе адносна нармальна, на здароўе пакуль не скардзіцца. Ціск крыху падвышаны, аднак з улікам таго, што мераюць яго праз «кармушку» і два рукавы верхняга адзення, мала зразумела, ці адпавядаюць паказанні рэчаіснасці. Вось што ён піша пра сваё самаадчуванне і далейшыя планы:

«Дарагія! Дзякуй вялізны за падтрымку і салідарнасць!

Калі хто-небудзь думае, што я адмоўлюся ад галадоўкі, то пасля апошніх навін ад сям'і, я яшчэ больш рашуча настроены ісці да канца. За сваю сям'ю я гатовы і памерці. Я не спыню галадоўку да зняцця абвінавачванняў альбо вызвалення мяне з-пад варты».

Учора абаронца Ігара падаў скаргу на пастанову аб яго новым абвінавачанні. І сам Ігар, і ягоны адвакат намагаюць на яго поўнай неабгрунтаванасці і невінаватасці Ігара. Сам жа Ігар звязвае выстаўленне новага абвінавачвання выключна са сканчэннем гранічных тэрмінаў утрымання пад вартай на падставе ч.1 арт.342 Крымінальнага кодэкса.