Беларуска трапіла на нямецкае тэлешоў Let's Dance

Беларуска паўдзельнічае ў якасці прафесійнай танцоркі.

Беларуска Алёна Улін (Alona Uehlin) паўдзельнічае ў якасці прафесійнай танцоркі ў новым сезоне нямецкага тэлешоў Let's Dance, які паказвае RTL. Пра гэта гаворыцца на сайце гэтага тэлеканалу, паведамляе belmir.by.

Let's Dance - нямецкі варыянт брытанскага танцавальнага конкурсу Strictly Come Dancing. Ён быў рэалізаваны ў многіх краінах свету.

У шоў спаборнічаюць пары, кожная з якіх складаецца са знакамітай персоны і дадзенага яму ў дапамогу прафесійнага танцора. У гэтым сезоне, напрыклад, удзельнічаюць 14 такіх дуэтаў. Ён стартуе 21 лютага.

Як гаворыцца на сайтах RTL і Wikipedia, Алене Улін 30 гадоў, яна нарадзілася 22 студзеня 1990 года ў Горадні, у 2006 годзе пераехала ў Нямеччыну і цяпер жыве ў Баварыі - у камуне Майзах недалёка ад Мюнхена.

У 5 гадоў пачала займацца гімнастыкай, затым балетам і, нарэшце, спартыўнымі бальнымі танцамі. Раней была партнёркай Яўгена Пархімовіча, Сцяпана Гурскага, Арцёма Казыра. Цяпер ужо шмат гадоў танчыць са сваім мужам Антонам Скуратавым.

Яны шмат разоў станавіліся чэмпіёнамі і прызёрамі розных спаборніцтваў. У тым ліку, напрыклад, у 2016 году былі першымі на World Showdance Standard Championship, які праходзіў у кітайскім горадзе Чэнду.

Дарэчы, Алёна Улін - не першая прафесійная танцорка з Беларусі на нямецкім шоу Let's Dance. У сезоне 2016 года ў ім браў удзел ураджэнец Віцебска Ілля Русо. СМІ пісалі тады пра яго раман з адной з удзельніц - Настассяй Кінскі.