8 красавiка 2020, Серада, 5:01
Заставайся дома!
Рубрыкі

Экс-паліцэйскі заявіў, што падкінуў наркотыкі расейскаму журналісту Галунову на ўказанне начальства

7
Экс-паліцэйскі заявіў, што падкінуў наркотыкі расейскаму журналісту Галунову на ўказанне начальства
ГОЛУНОВА ВІНАВАЦЯЦЬ У ЗАМАХУ НА ЗБЫТ НАРКОТЫКАЎ
ФОТА: EPA

Дзяніс Канавалаў прызнаў сваю віну.

Былы расейскі паліцэйскі Дзяніс Канавалаў, абвінавачаны паводле справы аб фальсіфікацыі доказаў супраць журналіста Івана Галунова, прызнаў сваю віну. Пра гэта расейскаму агенцтву «Интерфакс» 19 лютага сказаў адвакат Аляксей Каўрыжкін, піша gordonua.com.

Канавалаў падчас вочнай стаўкі на мінулым тыдні даў паказанні супраць свайго былога начальніка Ігара Ляхаўца, сказаў Каўрыжкін. Экс-паліцэйскі заявіў, што Ляхавец даў яму ўказанне падкінуць Галунову наркотыкі.

Са слоў адваката, былы начальнік Канавалава не прызнае віну і зняпраўджвае абвінавачванні.

Нагадаем, Галунова затрымалі 6 чэрвеня 2019 года, яго абвінавацілі ў замаху на збыт наркотыкаў. Галуноў заявіў, што пераслед звязаны з яго прафесійнай дзейнасцю.

11 чэрвеня крымінальную справу супраць Галунова спынілі ў сувязі з недаказанасцю яго ўдзелу ва ўчыненні злачынства.

13 чэрвеня 2019 года прэзідэнт РФ Пуцін звольніў двух генералаў МУС, звязаных са справай Галунова.

Журналіст у снежні падаў заяву ў ФСБ з просьбай аб рэгістрацыі паведамлення пра злачынства, якое тычыцца ўжывання да яго гвалту і падкідвання наркатычных сродкаў супрацоўнікамі аддзела паліцыі Заходняй адміністратыўнай акругі Масквы. У заяве Галуноў паказаў, што яго білі супрацоўнікі паліцыі.

30 студзеня 2020 года Басманны суд Масквы арыштаваў пецярых былых паліцэйскіх паводле справы Галунова, у тым ліку Канавалава і Ляхаўца. Былым праваахоўнікам выстаўленае абвінавачванне ў перавышэнні службовых паўнамоцтваў з прымяненнем гвалту, спецсродкаў і прычыненнем цяжкіх наступстваў, а таксама ў фальсіфікацыі доказаў і незаконным абароце наркотыкаў у буйным памеры.

Чацвёра арыштаваных не прызналі сваёй віны, адзін прызнаў часткова - у частцы прымянення сілы да журналіста.