27 траўня 2020, Серада, 9:53
Сім сім, Хартыя 97!
Рубрыкі

Кошты на золата дасягнулі максімуму за апошнія сем гадоў

5
Кошты на золата дасягнулі максімуму за апошнія сем гадоў

Акрамя золата растуць у цане і іншыя каштоўныя металы.

У пятніцу, 21 лютага, кошт на золата дасягнуў максімуму за апошнія сем гадоў. Яго падаражанне звязанае з асцярогамі інвестараў з нагоды ўплыву каронавіруса на эканамічную актыўнасць і глабальны рост, паведамляе Reuters (пераклад - tut.by).

У пятніцу золата падаражэла на 0,9% і пабіла папярэдні цэнавы рэкорд, усталяваны 14 лютага 2013 года. Цяпер золата каштуе 1 633,46 даляра за ўнцыю. За тыдзень кошт каштоўнага металу вырас на 3%. Эксперты звязваюць гэтую тэндэнцыю з выбліскам каронавіруса, які выклікаў падзенне на фондавых рынках.

- Нежаданне інвестараў рызыкаваць падтрымлівае золата, - мяркуе аналітык Quantitative Commodity Research Пітэр Фертыг.

Акрамя золата расце ў цане і іншы каштоўны метал - паладый. За тыдзень ён падаражэў на 11% і цяпер каштуе 2 712,995 даляра за ўнцыю.

Цэны на золата пачалі расці яшчэ да ўспышкі каронавіруса. У верасні 2019 года ў параўнанні з вераснем 2018-га золата падаражэла на 27%.